Indro Montanelli
Gazetaria ka qenë gjithmonë një profesion i vështirë, shpesh i nënvlerësuar, por me një mision të madh: t’i shërbejë publikut.
Montanelli, një nga figurat më të mëdha të gazetarisë italiane, thoshte se ky zanat nuk është për para, as për protagonizëm. Një gazetar i pasur është, sipas tij, dikush që ka tradhtuar profesionin dhe e ka përdorur për interesa të tjera.
Ai paralajmëronte gjithashtu për rrezikun e televizionit dhe etjes për “scoop”-in, që e shndërron gazetarinë në spektakël dhe jo në shërbim të lexuesit. Për të, besimi i publikut fitohet me mund, përulësi dhe transparencë.
Gazetaria, edhe pse nuk të çon askund, është e bukur. Ajo duhet bërë për gazetarinë vetë – dhe për asgjë tjetër.
